Lecturas para o verán

Deixovos a referencia de tres libros que me recomendaron para este verán: Llámalo sueño de H. Roth; El regreso del soldado, de Rebeca West, e Cisnes salvajes de Jung Chang. Por se non se vos ocorre que ler. Xa me contaredes

In memóriam Torrente Ballester

Como sabedes este ano conmemórase o centenario do nacemento de Torrente Ballester. Como despedida deste curso propóñovos a lectura dun breve conto, Miguela, que me fixo chegar Carmen Becerra.

Espero que o leades e aproveitedes o blog para facer os vosos comentarios. Tede en conta que Blogger non colle vacacións.

¡Bo verán e boas lecturas!

Máis sobre El Camino e Delibes

Podedes consultar a páxina dedicada polo Centro Virtual Cervantes ao autor premendo neste enlace.

Tamén tedes acceso a un artigo sobre El camino, de Jorge Urdiales Yuste, titulado El camino, de Miguel Delibes: la “circunstancia” rural de Daniel, el Mochuelo.

Un tesouro chinés a un clic de rato

Nesta páxina web podemos contemplar, grazas ás novas tecnoloxías, este fermosísimo cadro pintado entre 1085 e 1145 durante a Dinastia Song do Norde. A xente fai cola durante horas noMuseo de Shangai e nós poderemos velo desde a nosa casa.

Poderedes pasear ao longo do cadro desprazando o cursor desde o centro da imaxe cara á dereita ou cara á esquerda.

Para deter o movemento hai que desprazar un pouco o cursor no sentido contrario.

Hai moitos detalles por descubrir. Cando atopedes un cadro branco, clicade co cursor no seu interior e veredes un vídeo pequeno moi interesante.

Temos que agradecerlle a Azu a xentileza de compartir con nós este achádego.

Biblioteca de libros digitais

Aquí tedes o enlace dunha biblioteca de libros dixitais infantís e xuvenís portuguesa. Non deixedes de entrar e ler algúns destes libros, moi fermosos, e que sacan o máximo rendimento ás novas tecnoloxías. En verdade paga a pena facerlle unha visita.

Outra xentileza de Azu.

A propósito do amor

A lectura de O único que queda é o amor en que se presenta unha visión do amor nostálxica, idealizada e na que aparecen moitas referencias literarias, tróuxome o recordo dun libro ben diferente no que tamén están presentes as referencias literarias pero a visión do amor é moi distinta. Trátase dun amor apaixonado, irrefrenable, unha forte atracción entre dúas persoas; unha historia de amor heterodoxa e que mesmo podíamos catalogar de "politicamente incorrecta" pero que ten unha tremenda forza e non deixa a ninguén indiferente.

Anímovos a lela e, para "facer boca", déixovos unha cita:

(...) "Cuando me paro a contemplar mi estado / y a ver los pasos por do me ha traído" recitó. Y preguntó con picardía:

-¿Cómo sigue?

" Yo acabaré, que me entregué sin arte/ a quien sabrá perderme y acabarme", dijo él.

Ella lo repitió con la misma ternura, y continuaron así hasta el final del libro, saltando versos, pervirtiendo y tergiversando los sonetos por conveniencia, jugueteando con ellos a su antojo con un dominio de dueños. Se durmieron de cansancio...

In memóriam Delibes

Como mostra de recoñecemento e gratitude a este autor que nos deixou recentemente, para a próxima xuntanza proponse a lectura (ou relectura) de El camino, unha das primeiras novelas do autor onde xa aparecen algúns dos temas fundamentais da súa obra como o mundo rural, a España de postguerra ou a infancia.