XUNTANZA DO 30 DE NOVEMBRO

A fins do mes de novembro tivemos a xuntanza do club ao redor do libro AQUELES DÍAS EN QUE ERAMOS MALAS.
Acompañounos Inma López SIlva, a autora.
Falounos sobre os personaxes, a súa visión do cárcere, como se documentou para escribir a novela, os seus proxectos futuros,... Respondeu a numerosas preguntas sobre a obra, a edición da mesma,...

Grazas Inma!

LECTURA PARA NOVEMBRO

Vémonos o día 30, no Pazo da Cultura, ás 18 horas. Imos contar coa presenza da autora nesta xustanza. Boa lectura!
Non será no Pazo de Cultura, imos estar na cafetaría Sirius, na Avda. de Vigo.

EN OUTUBRO, XUNTANZA DO CLUB CON ARANTZA PORTABALES

O 19 de outubro, o club tivo a sorte de contar coa autora do libro "Deixe a súa mensaxe despois do sinal", libro que seleccionaramos para ler neste mes.
 Con Arantza Portabales pasamos unha sesión inesquecible que agardamos poida repetirse axiña.

LECTURAS PARA SETEMBRO

En setembro xa comezamos o "curso" de lecturas.  O venres 28, celebraremos a primeira xuntanza no Pazo de Cultura, ás seis da tarde.
Nota: Por causa da axenda de Arantza, trasladamos a data da xuntanza ao venres, 19 de outubro.

Xosé

XUNTANZA DE XUÑO

Hoxe houbo reunión do club.
Coa compaña de Ana Cabaleiro comentamos aspectos do seu interesante libro e despedimos o curso lector ata setembro cuns petiscos.
 
 Feliz lectura de verán!

LECTURA PARA SAN XOAN

Xuntanza no Sonata, día 22 de Xuño ás 18,30 h.

XUNTANZA AO REDOR DE ANAGNÓRESE

O 25 de maio xuntámonos para comentar o libro ANAGNÓRESE contamos coa presencia dunha moi boa amiga de Mª Victoria Moreno, Nenuca.
Con ela falamos do libros e de moitas anécdotas sobre Mª Victoria.
Aí quedan unhas fotos desa marabillosa sesión.

LECTURA PARA O MES DE MAIO.

Vémonos no Pazo de Cultura o 25 de maio, ás 18 h.

LECTURA PARA O MES DE ABRIL

Unhas risas para o mes de abril. Pendentes de confirmar o lugar, esperamos engadirlle un pequeno petisco entre os comentarios.
Venres, 13 ás 18,30 h. no Sonata.

A XUNTANZA DE MARZO

O pasado 9 de marzo reuniuse o club no Pazo da Cultura. A conversa sobre o libro foi moi amena e chea de detalles. Xurdiron comentarios e preguntas que nos tería gustado compartir co autor do libro «A nena do abrigo de astracán» Unha novela estupenda que nos fixo mergullarnos nuns dramáticos acontecementos non tan afastados das vivencias de moitas persoas nadas ao redor da primeira metade do século XX. A vindeira xuntanza está prevista para o mes de abril.

LECTURA PARA O MES DE MARZO

Entrevista co autor

O venres, día 9 de marzo, no Pazo de Cultura, ás 18 horas, xuntanza do Club para mergullarnos novamente nunha etapa negra da nosa historia.