Dúas pequenas xoias literarias

Vou facervos unha proposta de lectura, xa que non temos "deberes" para a próxima xuntanza do club. Trátase de dous contos de Julio Cortázar que poden servirnos para reflexionar sobre tipos de narrador e punto de vista, cuestión que se suscitou na última xuntanza do club.

Son dous contos moi breves pero realmente xeniais, sen fisura algunha, dúas xoias literarias. Podedes lelos premendo nos enlaces correspondentes: La señorita Cora e La noche boca arriba

Despois de lelos podedes facer comentarios no blog ou enviarmos a min para que eu os suba. Creo que merece a pena

Anxos Sumai

Aquí tedes un enlace á revista Praza das letras con datos sobre a autora e outro a unha entrevista na que fala de Así nacen as baleas no periódico El País.

Na próxima xuntanza do club leremos Así nacen as baleas, novela da escritora Anxos Sumai que obtivo o Premio Repsol YPF do ano 2007, premio de narrativa breve organizado por Repsol YPF en colaboración coa Secretaría Xeral de Política Lingüística e publicado por Editorial Galaxia.
Así nacen as baleas conta a historia dunha viaxe de regreso á casa, á orixe familiar dunha muller nova que retorna ao seu pasado como única posibilidade de entender e vivir o presente. Anxos Sumai acadou o Premio da Crítica galega con Anxos de garda no 2004 e tivo gran éxito con Melodía de días usados, publicada no 2005.

Benedetti

A propósito da lectura dos contos de Benedetti, José Luis Penas envíanos esta presentación que poderedes ver premendo neste enlace

25 de novembro: Contra o maltrato

Con motivo do 25 de novembro incluímos este vídeo de grande interese sobre a violencia de xénero. Tamén tedes o enlace a unha presentación sobre o mesmo tema que nos envía Azu

Libros dixitais

Como é un tema moi controvertido, que suscita discusións entre defensores e detractores paréceme interesante poñervos estes vídeos sobre o tema.
Un é un famoso vídeo sobre novas ferramentas e a necesidade e dificultade de adaptación




O outro é unha reportaxe emitida en televisión sobre libros dixitais que podedes ver premendo no enlace. Paga a pena.

Portal LEER.ES

O congreso coincidiu coa presentación do portal LEER.ES que recollerá todo tipo de recursos e informacións sobre lectura. O ministerio pon á nosa disposición o portal, agora, entre todos teremos que construír a casa, darlle verdadeiro contido e sentido a ese portal. Anímovos a entrar e partcipar.