Petiscos de poesía

Para continuar o camiño iniciado coa lectura da breve antoloxía poética de Miguel Hernández, déixovos aquí unha escolma de poemas de Uxío Novoneyra feita no IES de Porta do Son por Sonia Ces García e Román Cerqueiro Landín, aos que lles agradecemos moito este fermoso traballo.
Na sesión de xuño teremos oportunidade de comentar algúns destes poemas ou outros que propoñades.

Mal de escola

Aínda que na próxima xuntanza do club, o día 22 de abril, veremos unha película, que despois comentaremos, xa temos unha proposta para a seguinte lectura. Falamos na última xuntanza dun libro recente, interesante e tamén divertido: Mal de escola de Daniel Pennac. Algunhas persoas xa o temos lido e consideramos que pode ser unha proposta interesante. Podedes ir facendo propostas para próximas lecturas.