LECTURA PARA O MES DE ABRIL

Abril,  xa é primavera  imos de cabeza as augas deste encoro.
Mergulládevos nelas e o día 24, contamos os achados realizados. Nesta ocasión cambiamos de sede , esta xuntanza vaise celebrar no local municipal que ten a Asociación de Veciños do Gorgullón. Hora: 18.

XUNTANZA DO CLUB NO 13 DE MARZO

DESTA VEZ O LIBRO DEU MOITO QUE COMENTAR...
A NARRACIÓN NON DEIXOU INDIFERENTE A NINGUÉN...


VOLVEREMOS VERNOS EN ABRIL CUN NOVO LIBRO.

LECTURA PARA O MES DE MARZO

Para a xuntanza do mes de marzo, resultou elixido este libro: "Vestido de noiva" esperamos que gocedes coa lectura e cos comentarios que dela se fagan na xuntanza do día 13 de marzo, ás seis da tarde no Pazo da Cultura (sen confirmar o lugar). Boa lectura!
Finalmente a xuntanza será no Parador no día e hora sinalados. Pódese trear calquera  vestimenta ou uniforme, a non ser, vestido de noiva!!

A PRIMEIRA LECTURA PARA O 2015

Para o día 6 de febreiro de 2015, resultou elixido este libro de Cristina Sánchez-Andrade. Mañá, ás seis da tarde, vémonos no Pazo de Cultura. Traede os picos afiados para desenterrar todos os misterios de Terra Chá.

SESIÓN CINEMATOGRÁFICA DO CLUB

O club de lectura remata este ano cunha sesión de cine e unha merenda.
A película (con varios premios no seu haber -4 nominacións ao Oscar, dúas nominacións aos Globos de ouro, e Oso de prata no festival de Berlín- deu pé a moitas reflexións, comentarios e mesmo sorrisos.
É unha historia baseada en feitos reais, na que se xulga a un profesor por ensinar ao seu alumnado a teoría da evolución das especies.
Foi unha sesión extraordinaria que recollemos nestas imaxes:

UNHA LECTURA DIFERENTE PARA DECEMBRO

No mes de decembro o club propón "ler" nas imaxes dunha película.
Hai varios títulos entre os que seleccionar, mais o vindeiro 12 de decembro a sesión de lectura cinematográfica farase ao redor dun filme de 1960 .

LECTURA PARA O MES DE SANTOS

O vindeiro 14 de novembro verémonos novamente no Pazo da Cultura, ás seis da tarde para falar deste libro.