FELICES FESTAS E BO ANO 2026

 Empregamos as verbas de Isa, compañeira do club, para resumir o ano 2025 e desexar a todas e a todos felices festas e un ano 2026 cheo de lecturas.

Neste 2025 que remata, visitamos " La península de las casas vacías" e coñecemos a parte da súa veciñanza. Entramos con sorpresa  en "La habitación de Nona" e os seus misterios. "El brillo de las luciérnagas" amosounos camiños tortuosos e , nun momento de inspiración, ata dixemos: " Vamos a comprar un poeta".  Entramos con ledicia en "Hôzuki, la librería de Mitsuko" e deixámonos seducir pola " Carta de una desconocida", sen esquecer canto gozamos facendo pesquisas para descubrir  "O que agacha a equipaxe". Que ben o pasamos nestas excursións guiadas por magos e magas das letras! 

Brindamos por un 2026 cheo de viaxes inolvidables polas páxinas dos libros. 

Que a saúde e a beleza  acompañen a cada integrante e persoal seguidor de A pregunta do cuco. 

VÉMONOS O 28 DE XANEIRO ÁS 18 HORAS NO PAZO CUNHA NOVA VIAXE DA MAN DE LUCÍA SOLLA E "COMERÁS FLORES".

LECTURA PARA XANEIRO

 Estamos pendentes de se vai vir a autora para comentar o libro con nós. En canto poidamos xa damos os datos do día, hora e lugar.

LECTURA PARA NOVEMBRO

 O Cuco, aínda no outono, tenta saír da súa rutina. Se o tempo o permite, iremos novamente ao observatorio de Cotobade; estade atentas. De non ser, a xuntanza farémola no Pazo da Cultura o día 28 ás 18 horas.

A XUNTANZA DE OUTUBRO: MERCANDO UN POETA

 Esta tarde tivemos a primeira xuntanza de outono. 

Desta vez tivo lugar diante dun café ou infusión na cafetería do Hotel Virxe do Camiño.

LECTURA PARA OUTUBRO

 O 17 de outubro ás 18 h., vémonos no Pazo de Cultura hotel Virxe do Camiño para comentar este libro.

LECTURA PARA SETEMBRO

 O día 19 de setembro, o club retomará a súa actividade con esta lectura. A xuntanza farémola no Pazo de Cultura, ás 18 horas.

HOXE, XUNTANZA DE XUÑO DO CLUB

 Antes das vacacións do verán, reunímonos para comentar o libro deste mes. Foi unha xuntanza moi interesante con moitos comentarios sobre a obra de Paul Pen e a degustación duns riquísimos bombóns.

FELIZ VERÁN E ATA SETEMBRO.