LECTURA PARA O MES DE MARZO

 O vindeiro 27 de marzo, verémonos no Pazo de Cultura, ás 18 horas, para falar deste libro.

LECTURA PARA FEBREIRO

 Este é o libro elixido para o mes de febreiro. Vémonos no Pazo o día 20 de febreiro ás 18 horas.

XUNTANZA CON LUCÍA SOLLA

 Hoxe, puidemos comentar o libro "Comerás flores" coa súa autora.

Unha marabillosa sesión.

Lucía fíxonos partícipes dunha primicia: en breve se publicará o libro en galego.

Pódense ver algunhas fotos aquí

1ª LECTURA DO 2026

 

O vindeiro xoves, 29 de xaneiro  ás 18 horas no Pazo da Cultura de Pontevedra, celebraremos a primeira xuntanza do ano, nela daremos conta dunha nova viaxe pola lectura, poderemos comentar o libro, que lidera a listaxe de vendas en moitas provincias, coa autora (Lucía Solla).  

FELICES FESTAS E BO ANO 2026

 Empregamos as verbas de Isa, compañeira do club, para resumir o ano 2025 e desexar a todas e a todos felices festas e un ano 2026 cheo de lecturas.

Neste 2025 que remata, visitamos " La península de las casas vacías" e coñecemos a parte da súa veciñanza. Entramos con sorpresa  en "La habitación de Nona" e os seus misterios. "El brillo de las luciérnagas" amosounos camiños tortuosos e , nun momento de inspiración, ata dixemos: " Vamos a comprar un poeta".  Entramos con ledicia en "Hôzuki, la librería de Mitsuko" e deixámonos seducir pola " Carta de una desconocida", sen esquecer canto gozamos facendo pesquisas para descubrir  "O que agacha a equipaxe". Que ben o pasamos nestas excursións guiadas por magos e magas das letras! 

Brindamos por un 2026 cheo de viaxes inolvidables polas páxinas dos libros. 

Que a saúde e a beleza  acompañen a cada integrante e persoal seguidor de A pregunta do cuco. 

LECTURA PARA XANEIRO

 Estamos pendentes de se vai vir a autora para comentar o libro con nós. En canto poidamos xa damos os datos do día, hora e lugar.

LECTURA PARA NOVEMBRO

 O Cuco, aínda no outono, tenta saír da súa rutina. Se o tempo o permite, iremos novamente ao observatorio de Cotobade; estade atentas. De non ser, a xuntanza farémola no Pazo da Cultura o día 28 ás 18 horas.