Estas son as lecturas que elixíu o club para o mes de febreiro. Verémonos novamente no Pazo de Cultura o día 3 de marzo, ás 18 horas.
Velaquí un vídeo para ir facéndose co ambiente do libro de Ángela Banzas:
E velaquí uns vídeos con Lorena Conde recitando algún dos seus poemas:
4 comentarios:
Unha marabilla ambas lecturas.
Lorena Conde con poesía coidada e orixinal, un tratamento poético e reinvindicativo.
Ángela Banzas cun libro ambientado moi pretiño de nós onde mestura lendas galegas e investigación.
"As puntas da louza" pareceume un poemario intenso e reivindicativo, no q Lorena nos ofrece a súa perspectiva de distintas "labores femeninas" que ás veces é unha homenaxe, outras un berro feroz contra a injustiza e a dor, outras unha invitación á rebelión,... Poemas como "Asunción da lavandeira" ou "As fillas de Gretel" son redondos. De verdade q o desfrutei!
Gustáronme os dous libros. "La conjura de la niebla" atrápate enseguida na súa trama. "As puntas da louza" é un poemario que non deixa indiferente, cheo de poemas que poñen o foco na muller traballadora e loitadora, críticos. Estupendo!
"Coidade,por favor, da palabra
porque se gasta
e se afía coma unha manchea de escalpelos"
Lorena Conde
As palabras de Lorena falan , á vez, co noso intelecto e coas nosas emocións porque, aínda afundindo os pés na dura realidade do mundo laboral de moitas mulleres, non deixan de lado o lirismo. Orixinal nos plantexamentos e lúcida na creación de imaxes, gústame a autenticidade da súa ollada que non segue camiños trillados, senón que os crea de seu. Un gustazo lela!
Publicar un comentario